Brief Problem Monitor (BPM) eru nýir matslistar ásamt hugbúnaði sem verið hafa í þróun hjá ASEBA. Þeir eru ætlaðir til notkunar við framvindu- og árangursmælingar við íhlutun og meðferð.

Listarnir eru ætlaðir fyrir foreldra (BPM-P), kennara (BPM-T) og unglinga (BPM-Y) og tekur um 1-2 mínútur að svara þeim. Niðurstöður raðast á fjóra þætti, líðan, athygli-og einbeitingarvandi, hegðun og heildarerfiðleikar. Spurningar og þættir eru hliðstæð CBCL, TRF og YSR  og gefa notendum möguleika til að nýta þau svör við mat á íhlutun.

Framsetning niðurstaðna er grafísk, s.s. samanburðarmyndir og ferlirit. Hægt að nota fyrirliggjandi íslensk viðmið og viðmið annarra þjóða eftir því sem við á.

Nánari upplýsingar er í meðfylgjandi bæklingi og hjá ASEBA á Íslandi.

Í greininni sem birtist í Child Psychology and Psychiatry (2008) er fjallað um niðurstöður margra rannsókna frá mörgum löndum og notagildi matstækjanna. Einnig eru ræddar framtíðarrannsóknir á sviðinu.

(http://www.med.uvm.edu/VCCYF/downloads/60.pdf)

Í deseberhefti Journal of the American Academy of Child & Adolescent Psychiatry (Volume 49, Issue 12, Pages 1215-1224) er greint frá niðurstöðum rannsókna á þáttagreiningu foreldralista fyrir leikskólabörn (CBCL 1,5-5 ára) frá 23 þjóðum. Þar á meðal eru gögn frá Íslandi. Titill greinarinnar er Preschool Psychopathology Reported by Parents in 23 Societies: Testing the Seven-Syndrome Model of the Child Behavior Checklist for Ages 1.5-5

Niðurstöður staðfesta þáttagreiningu (sjö þátta) frá öllum þjóðnunum. Nánari umfjöllun er hægt að finna í tímaritinu og útdrátt á slóðinni http://www.jaacap.org/article/abstracts

Í nóvemberhefti tímaritsins Developmental Medicine & Child Neurology (Volume 52, Issue 11, pages 1056-1061, November 2010) er birt grein sem fyrst var birt vefrænt í maí 2010 um niðurstöður rannsóknar á börnum á leikskólaaldri og börnum með heilalömun (CP). Titill greinarinnar er „Behavioural and emotional symptoms of preschool children with cerebral palsy: a population-based study".

Niðurstöður eru að meirihluti barna með CP eiga við tilfinningalegan- og hegðunarlega erfiðleika að stríða sem nauðsynlegt er að taka tillit til við ráðgjöf og meðferð. Hægt er að nálgast greinina í heild sinni á slóðinni: http://onlinelibrary.wiley.com/doi/10.1111/j.1469-8749.2010.03698.x/abstract