Aseba á Íslandi sf

ADM hugbúnaður til skorunar á ASEBA matslistum er nú framleiddur með þeim möguleikum að vinna úr listum út frá fjölmenningarlegum viðmiðum fyrir bæði leikskóla og grunnskólaaldur (1½-5 ára og 6-18 ára). Að auki er nýr þáttur sem nær yfir erfiðleika vegna álags-/streitu leikskólabarna. Áður hafa komið inn fjórir nýir þættir (OCD, PTSD,SCT og PQ) fyrir grunnskólaaldurinn.

ASEBA hefur einnig gefið út handbók um fjölmenningarlega úrvinnslu leikskólalistanna (The Multicultural Supplement to the Manual for the ASEBA Preschool Forms and Profiles). Fjölmenningarleg viðmið fyrir matlista 1½-5 ára eru byggð á gögnum frá yfir 27.000 CBCL og C-TRF listum frá 24 þjóðum. Nú er mögulegt að byggja úrvinnslu á þeim niðurstöðum og viðmiðum sem flokkaðuð eru í þrennt, lág skorun (hópur 1), milliflokkur (hópur 2) og há skorun (hópur 3) líkt og valkostur er með matslistana 6-18 ára.

Íslensk gögn voru hluti gagnasafnis og hægt að vinna úr matslistum út frá íslenskum viðmiðunarhópi.

 

Í október haustið 2009 var unnið að gagnasöfnum fyrir ASEBA skimunar- og matslista barna á aldrinum 1½ -5 ára. Safnað var gögnum frá foreldrum (móður og föður) og frá leikskólakennara vegna rúmlega 300 barna og var skilahlutfall um 62%.

Nú er unnið að greiningu á niðurstöðum hér á landi og væntanlegri birtingu þeirra. Einnig hafa gögnin verið hluti af fjölmenningarlegri rannsókn (24 þjóðlönd) undir stjórn Leslie Rescorla og Thomas Achenbach.

Niðurstöður benda til staðfestingar á þáttagreiningu matslistanna, að innri áreiðanleiki sé góður og að íslenskir foreldrar og leikskólakennarar skori börnin lægra en foreldrar flestra annarra þjóða. Þessar niðurstöður virðast gefa tilefni til að miða mat íslenskra foreldra við „lága skorun" þegar skorun samanburðarlandanna er höfð til viðmiðunar.

Áætluð er ný handbók um þessar fjölmenningarlegu niðurstöður „Multicultural Supplement for Preschool Age Forms" auk rannsóknargreinar sem áætlað er að birtist m.a.í Journal of Child Psychiatry and Psychology. Þá mun jafnframt ný útgáfa af ADM hugbúnaðinum (útgáfa nr.9) koma út í mars/apríl 2010 með möguleika til úrvinnslu út frá niðurstöðum fjölmenningarlegrar rannsókna og einum nýjum þætti „Stress Problems Scale".

Nú stendur yfir rannsókn sem varðar söfnun viðmiða fyrir ASEBA skimunar- og matslista fyrir börn á aldrinum 1½ -5 ára. Rannsóknin er unnin í samstarfi Háskóla Íslands, Rannsóknarseturs í barna og fjölskylduvernd og Aseba á Íslandi. Ábyrgðarmaður rannsóknarinnar er Halldór Sig. Guðmundsson, lektor við félagsráðgjafardeild Háskóla Íslands.

Markmið rannsóknarinnar er að afla viðmiða fyrir íslenska útgáfu tveggja matslista á líðan og hegðun barna. Aflað er samræmdra upplýsinga um mat foreldra (forsjáraðila) og annarra þ.m.t. starfsmanns leikskóla, sem þekkja vel til barnsins. Niðurstöðurnar mynda grunn eða viðmið sem nýtast við rannsóknir og athuganir á börnum.

Úrtakið er tilviljunarúrtak 500 barna á aldrinum eins og hálfs árs til fimm ára. Leikskólar voru valdir með tilviljunarúrtaki og leitað er til foreldra allra barna á fimm leikskólum í Reykjavík en í öðrum sveitarfélögum er leitað til foreldra nokkurra barna í viðkomandi leikskóla. Sá barnahópur er líka valinn með tilviljunarúrtaki.

Áætlað er að gagnasöfnun ljúki um miðjan september.

Í bókinni The Achenbach System of Empirically Based Assessment (ASEBA): Development, Findings, Theory, and Applications  er rakin saga ASEBA frá 1960 og helstu áfangar í þróun hugmynda-, aðferðafræði og kenningalegri þróun ASEBA. Nokkur helstu efnisþættir eru:

• Empirically based approach
• Quantitative aspects of assessment & taxonomy
• Developmental psychopathology
• Linking assessment & taxonomy
• From classification to quantification
• Evidence-based assessment (EBA) for evidence-based treatment (EBT)
• From data to theory & back to data
• Modeling phenotypic & genotypic interplays
• From cross-cultural to multicultural research
• Accelerated longitudinal research

 

Jafnfram eru raktir helstu áfangar í þróun ASEBA og dregnar línur að framtíðarmöguleikum svo sem á sviði fjölmenningarlegra rannsókna, áhættu og verndandi þáttum, matsaðferðum meðferðaraðferða, þjónustukerfa og þjálfun notenda og rannsakenda.

Hægt er að panta bókina í gegnum heimasíðu ASEBA á Íslandi með því að senda tölvupóst á aseba@aseba.net.

Síðari hluta júní, 21-24 n.k., verður haldin alþjóðleg ASEBA ráðstefna í Burlington í Vermont í Bandaríkjunum. Tilefnið er að skapa vettvang fyrir starfsfólk og leiðandi aðila í geðheilbrigðisþjónustu, rannsóknum, þjálfun og stefnumótun til fjölmenningarlegs samstarfs og þekkingarmiðlunar.

Í Burlington eru höfuðstöðvar ASEBA og rannsóknarsetur. Sjá nánari upplýsingar um ráðstefnuna á eftirfarandi slóð:

http://www.aseba.org/conference.html 

Árlegar breytingar á vörum og tilkomu á nýjum vörum ásamt breytingu á verði, hafa nú verið uppfærðar með hliðsjón af breytingum á gengi. Engar verðbreytingar eru á eyðublöðum/matslistum á íslensku.

Væntanlegar eru viðbætur við hugbúnaðinn. Um er að ræða DOF athugunarblað sem nú verður hluti af venjubundnum hugbúnaði. Nánar verður fjallað um það síðar.

Þá er væntanleg ný bók eftir Thomas M Achenbach um ber heitið: The Achenbach system of empirically based assessment (ASEBA): Development, findings, theory and applications. Birt verður sérstök frétt um bókina um leið og hún kemur á markað.

 

Að gefnu tilefni er minnt á að með nýrri útgáfu ADM hugbúnaðar (útgáfa 7.2) er hægt að gera úrvinnslu út frá ólíkum viðmiðunarhópum eða menningarlegum bakgrunni. Einnig hefur verið bætt við fjórum nýjum þáttum (OCD, PTSD,SCT og PQ) eins og nánar er fjallað  um hér á fréttasíðunni.

Samhliða þessari viðbót, var gefin út aðgengileg handbók um viðbætur og notun fjölmenningarlegra viðmiða.

Þá eru endurútgefnar (5.útg.) stuttar handbækur (guides) fyrir einstaka þjónustþætti s.s. starfsfólk í heilbrigðisþjónustu, geðheilbrigðisþjónustu, skólaþjónustu, félagslegri þjónustu og þjónustu við eldra fólk.

Vakin er athygli á að námskeiði um notkun ASEBA matstækja sem verður haldið í Reykjavík 17. sept og 7. okt. n.k. Sjá nánar í flipanum hér til vinstri.

 

Höfundar íslenskra rannsókna og greina sem notað hafa einhver mælitækja ASEBA í rannsóknum sínum, eru hvattir til að senda ASEBA á Íslandi útdrátt (ABSTRACT)í tölvutæku formi eða í ljósriti.

Tilgangur þessa er að koma á framfæri íslensku efni í ritaskrá ASEBA. Slíkt auðveldar heimildaleit og upplýsingagjöf.
Þeir sem þess óska geta einnig sent efnið beint til höfuðstöðva ASEBA í Vermont.
Áhugasömum er bent á að hafa samband ef óskað er nánari upplýsinga.

Á hverju ári gefur ASEBA út ritaskrá sem inniheldur yfirlit yfir birtar rannsóknir og greinar þar sem notast er við einhver mælitækja ASEBA.

Ritaskráin (ASEBA Bibliography. Bibiliography of Published Studies Using the Achenbach System of Empirically Based Assessment (ASEBA): 2008 Edition) inniheldur 6513 birtar greinar miðað við 31. des. 2007. Um er að ræða lista yfir 8000 höfunda og þau 80 tungumál sem þýtt hafa matslista ASEBA.

Ritaskráin kemur á geisladiski, er sérlega notendavænn í uppsetningu og hægt er að samkeyra heimildir í/úr EndNote eða afrita heimildaskráningu beint í texta og í heimildaskrá.

Með uppflettingu í ritaskránni er á einfaldan hátt hægt að finna greinar út fá höfundum eða lykilorðum og fl. leitarstrengjum.

Nýlegustu rannsóknirnar og greinar ásamt útdrætti er einnig að finna á heimasíðu www.aseba.org.