Aseba á Íslandi sf

Höfundar íslenskra rannsókna og greina sem notað hafa einhver mælitækja ASEBA í rannsóknum sínum, eru hvattir til að senda ASEBA á Íslandi útdrátt (ABSTRACT)í tölvutæku formi eða í ljósriti.

Tilgangur þessa er að koma á framfæri íslensku efni í ritaskrá ASEBA. Slíkt auðveldar heimildaleit og upplýsingagjöf.
Þeir sem þess óska geta einnig sent efnið beint til höfuðstöðva ASEBA í Vermont.
Áhugasömum er bent á að hafa samband ef óskað er nánari upplýsinga.

Á hverju ári gefur ASEBA út ritaskrá sem inniheldur yfirlit yfir birtar rannsóknir og greinar þar sem notast er við einhver mælitækja ASEBA.

Ritaskráin (ASEBA Bibliography. Bibiliography of Published Studies Using the Achenbach System of Empirically Based Assessment (ASEBA): 2008 Edition) inniheldur 6513 birtar greinar miðað við 31. des. 2007. Um er að ræða lista yfir 8000 höfunda og þau 80 tungumál sem þýtt hafa matslista ASEBA.

Ritaskráin kemur á geisladiski, er sérlega notendavænn í uppsetningu og hægt er að samkeyra heimildir í/úr EndNote eða afrita heimildaskráningu beint í texta og í heimildaskrá.

Með uppflettingu í ritaskránni er á einfaldan hátt hægt að finna greinar út fá höfundum eða lykilorðum og fl. leitarstrengjum.

Nýlegustu rannsóknirnar og greinar ásamt útdrætti er einnig að finna á heimasíðu www.aseba.org.

Vakin er athygli á að í boði eru tvö námskeið. Annað (A) er ætlað þeim sem eru að nota og hafa reynslu af notkun ASEBA fyrir leik og grunnskólaaldur. Hitt námskeiðið (B) er ætlað þeim sem hafa kynnst og/eða áforma að nota matstæki ASEBA í starfi sínu.
Námskeiðin eiga erindi við fagfólk sem starfar innan heilbrigðis-, skóla- eða félagskerfis.

ATH: Námskeiðið er flutt til föstudagsins 4. apríl

Tilkynna þarf skráningu fyrir kl. 12:00 Mánudaginn 31. mars. n.k.

Markmiðið námskeiðsins er að kynna helstu breytingar á matslistum og hugbúnaði ASEBA á síðustu fjórum árum, sérstaklega varðandi börn á grunnskólaaldri.

Námskeiðið er ætlað sálfræðingum og öðrum þeim sem sem vinna með og hafa reynslu af notkun skimunartækja ASEBA. Námskeiðið á erindi við fagfólk sem starfar innan heilbrigðis-, skóla- eða félagskerfis. Kennslan fer fram í fyrirlestraformi, umræðu og verkefnum.

Tilkynna þarf skráningu fyrir kl. 12:00 Mánudaginn 31. mars. n.k.

Sjá nánar hér.

Í dag , 29. des. hafa verið 5055 innlit á heimasíðu ASEBA á Íslandi sf. Um er að ræða 3161 gest. Fjöldi heimsókna á heimsíðuna hefur aukist jafnt og þétt allt árið og er nú milli 5-600 á mánuði. Eins og reikna má með eru lang flestar heimsóknirnar frá íslendingum.

Nýr matslisti er nú til hjá ASEBA. Um er að ræða málþroskakönnun ætluð fyrir foreldra 18-35 mánaða gamalla barna. LDS stendur fyrir "Language Development Survey".

Hægt er að vinna úr listanum í ADM hugbúnaði og fá fram niðurstöður á svipaðan hátt og venjulega. Um er að ræða skimun á upplýsingum um heilsufar barns, öðrum tungumálum á heimili og fleiru er varpað getur ljósi á áhyggjur af málþroska og orðaforða barnsins. Hafa þarf í huga að viðmið LDS eru grundvölluð á bandarískum rannsóknum.

Notendum til fróðleiks er nú á auðveldan hátt hægt að finna nýlegar heimildir um þáttagreiningu ASEBA og réttmætisathuganir frá mörgum löndum.

Sjá nánar undir flipanum "Rannsóknir og greinar" hér til vinstri - Þáttagreining.

Þá er þarf að finna nýjar greinar um þetta efni þar sem m.a. eru birtar niðurstöður byggðar á íslenskum rannsóknargögnum.

Oftlega þurfa notendur ASEBA kerfisins að leita eftir upplýsingum frá foreldrum og öðrum sem eiga annað móðurmál en íslensku. Til að mæta því er mælst til að notast sé við matslista á móðurmáli viðkomandi.

Matslistar ASEBA hafa verið þýddir á meira en 75 tungumál. Öll eyðublöð eru ekki til í öllum tungumálum. Til að fá í hendur eintak á því tungumáli sem þörf er á, þurfa notendur að hafa samband við Aseba á Íslandi eða aðalstöðvar í USA.

Hægt er að gera það með því að senda tölvupósti á netfangið aseba@aseba.net eða fylla út beiðni undir flipanum “Hafa samband” hér við hliðina

Út er komin ný og endurbætt útgáfa af ADM hugbúnaði til úrvinnslu ASEBA matslistanna fyrir börn á skólaaldri 6-18 ára.

Þessi nýjung og viðbót gefur möguleika á að:

• Skoða CBCL, TRF og YSR prófíla út frá fjölmenningarlegum viðmiðum (sýnisdæmi)
• Nota fjölmenningarleg viðmið við samanburð milli upplýsingagjafa
• Velja milli viðmiða fyrir úrvinnslu og bætir við fjórum nýjum mælikvörðum:(dæmi )

• þráhyggju- áráttu (obsessive-cumpulsive problems)
• áfallastreitu (posttraumatic stress problems)
• seinfær vitsmunalegur taktur (CBCL/6-18 & TRF) (sluggish cognitive tempo)
• jákvæðir kostir/eiginleikar (YSR) (positive qualities)
• (sýnisdæmi um fjóra nýja þætti )

Með þessum breytingum hefur verið gefin út ný handbók sem er viðauki við handbók fyrir skólaaldur 6-18 ára. Þar er að finna;

• Dæmi um notkun fjölmenningarlegra viðmiða í rannsóknum, geðheilbrigðis-, skóla- og heilbrigðisþjónustu
• Útskýringar á bakgrunni og rannsóknum fyrir fjölmenningarleg viðmið
• Frásögn af þróun og fylgni nýju mælikvarðanna
• Dregur upp möguleika til rannsókna með fjölmenningarlegum viðmiðum ASEBA

Nú er hægt að skoða CBCL/6-18, TRF og YSR úrvinnslur út frá a.m.k. þremur mismunandi viðmiðum. Þessi viðmið eru byggða á úrtökum frá mörgum þjóðum þar sem niðurstöðum var skipt í þrjá hópa, (low-medium-high). Hægt er að velja þau viðmið sem best eiga við hvert barn. Fyrir börn flóttamanna, innflytjenda eða önnur börn kann að vera þörf á að skoða niðurstöður út frá fleiri en einu setti af viðmiðum. Einnig er hægt að vinna samanburð milli upplýsingagjafa sem byggja á því vali viðmiða sem keyrt er hverju sinni.

Nú er því hægt að vinna með og prenta út niðurstöður sem grundvallast á íslenskum viðmiðum fyrir börn 6-18 ára. Sjá dæmi hér .

Vakin er athygli á að hægt er að panta uppfærslu (upgade) á hugbúnaði, en skoða þarf útgáfunúmer hugbúnaðar í hverju tilviki. Þeir notendur sem vilja skoða kaup á þessum nýja hluta hugbúnaðar ASEBA er bent á að hafa samband eða senda in fyrirspurn.